ខេត្តព្រះសីហនុ៖ តាមរយៈនាវាទេសចរណ៍
VOLENDAMក្នុងជើងទី២នៃខែមករានេះភ្ញៀវទេសចរចម្រុះជាតិសាសន៍ប្រមាណ
១៣៩២នាក់បានចូលមកទស្សនាក្រុងព្រះសីហនុ
កាលពីព្រឹកថ្ងៃទី៣០ខែមករាឆ្នាំ២០១៣នេះ
ដើម្បីធ្វើទស្សនកិច្ចនៅខេត្តព្រះសីហនុ រយៈពេល ០១ថ្ងៃ ។
លោក សេង ខា ប្រធានមន្ទីរទេសចរណ៍ខេត្តព្រះសីហនុ
បានមានប្រសាសន៍អោយដឹងថា នាវាទេសចរណ៍ VOLENDAM របស់ NETHERLANDS
មានភ្ញៀវទេសចរណ៍ចម្រុះជាតិសាសន៍សរុបចំនួន ១៣៩២នាក់
មានបណ្តោយ២៣៧.០៩ម៉ែត្រ ទទឹង ៣៤.៤៥ម៉ែត្រ
មាននាវិកបម្រើការងារលើនាវាសរុបចំនួន
៥៩៦នាក់ស្មើរនឹង៣០សញ្ជាតិផ្សេងគ្នា ។
នាវា VOLENDAM បាន នាំភ្ញៀវទេសចរ មកពីប្រទេសវៀតណាម
ចូលមកចតនៅកំពង់ផែស្វយ័ត អន្តរ ជាតិក្រុង
ព្រះសីហនុនៅព្រឹកព្រលឹមម៉ោង៦.៣០ថ្ងៃទី៣០ខែមករា ឆ្នាំ២០១៣
ហើយនាវានេះនឹងចាកចេញពីប្រទេសកម្ពុជាទៅកាន់ប្រទេសថៃ
នៅល្ងាចថ្ងៃដដែល ។
លោកបន្តថាភ្ញៀវទេសចរ នឹងគ្រោង ធ្វើ
ដំណើកម្សាន្តនៅតាមទីប្រជុំជនក្រុងព្រះសីហនុ តំបន់រមណីយដ្ឋាន
និងតំបន់មាត់សមុទ្រ ដើម្បីស្វែងយល់ទីទំនៀមទំលាប់ វប្បធម៌ ប្រពៃណី
ប្រជាជនក្នុងក្រុងព្រះសីហនុ ព្រមទាំង ចង់
ឃើញនូវការអភិវឌ្ឍន៌រីកចំរើនក្នុងព្រះរាជាណាចក្រកម្ពុជាជាពិសេស
ការរីកចំរើនក្នុងខេត្តព្រះសីហនុ។