រាជធានីភ្នំពេញ៖
រាជរដ្ឋាភិបាលនៃព្រះរាជាណាចក្រកម្ពុជាបានសម្រេចចេញផ្សាយនូវធនប័ត្រ
«ព្រះបរមរតនកោដ្ឋ» ប្រភេទ ១០០០ រៀល
ជាផ្លូវការដែលជាការរំលឹកនូវគុណបំណាច់របស់ព្រះមហាវីរក្សត្រព្រះបាទ
សីហនុ។
យោងតាមអនុក្រឹត្យរបស់រាជរដ្ឋាភិបាលលេខ ៤៣ អនក្រ.បក ចុះថ្ងៃទី ២៩
ខែមករា ឆ្នាំ២០១៣ ដែលចុះហត្ថលេខាដោយសម្ដេចអគ្គមហាសេនាបតីតេជោ ហ៊ុន
សែន នាយករដ្ឋមន្ត្រីនៃព្រះរាជាណាចក្រកម្ពុជា
បានសម្រេចអនុញ្ញាតឲ្យចេញផ្សាយចរាចរ
និងប្រើប្រាស់ក្នុងទូទាំងព្រះរាជាណាចក្រកម្ពុជានូវធនប័ត្រ«ព្រះបរម
រតនកោដ្ឋ» ប្រភេទ ១០០០ រៀល
ទន្ទឹមនឹងបណ្ដាប្រភេទប្រាក់ដែលត្រូវបានចេញផ្សាយរួចហើយ។
នៅ លើអនុក្រឹត្យត្រង់ប្រការ២ក៏បានសម្រេចឲ្យធនាគារជាតិនៃកម្ពុជា
មានភារកិច្ចចេញសេចក្ដីប្រកាសដើម្បីផ្សព្វផ្សាយពីលក្ខណៈសម្គាល់នៃ
ធនប័ត្រព្រះបរមរតនកោដ្ឋប្រភេទ១០០០រៀលនេះ
ហើយអនុក្រឹត្យមាត្រា៣បានដាក់បញ្ជាឲ្យរដ្ឋមន្ត្រីទទួលបន្ទុក
ទីស្ដីការគណៈរដ្ឋមន្ត្រី អគ្គទេសាភិបាលធនាគារជាតិនៃកម្ពុជា
រដ្ឋមន្ត្រី រដ្ឋលេខា ធិការគ្រប់ក្រសួង
និងអភិបាលរាជធានី-ខេត្តត្រូវទទួលបន្ទុកអនុវត្តអនុក្រឹត្យនេះតាម
ភារកិច្ចរៀងៗខ្លួនចាប់ពីថ្ងៃចុះហត្ថលេខាតទៅ៕